Andreas Schieder
Reporteri për Shqipërinë në Parlamentin Europian, Andreas Schieder, ngriti shqetësime për klimën politike dhe standardet demokratike në Shqipëri gjatë debatit në Komisionin për Punët e Jashtme.
Ai theksoi se, pavarësisht ekzistencës së një kuadri konkurrues zgjedhor, mbeten problematika si keqpërdorimi i burimeve administrative, akuzat për blerje votash dhe presionet ndaj zgjedhësve.
Sipas tij, polarizimi i vazhdueshëm politik po dobëson besimin institucional dhe rolin mbikëqyrës të parlamentit, ndërsa radikalizimi i fundit i klimës politike po zhvendos përballjen nga institucionet drejt rrugës.
Schieder theksoi se Shqipëria ka nevojë për më shumë transparencë dhe përfshirje të shoqërisë civile, si dhe për rezultate konkrete në luftën kundër korrupsionit, veçanërisht në nivelet e larta.
Fjala e Andreas Schieder/ Siç e përmendët, zgjedhjet dhe klima politike nuk janë më të mirat. Ekziston një kuadër konkurrues zgjedhor në vend. Ka shqetësime të vazhdueshme, keqpërdorim i burimeve administrative, akuza për blerje votash, presione mbi zgjedhësit, por edhe kjo polarizim i vazhdueshëm politik, i cili po dobëson besimin institucional dhe mbikëqyrjen parlamentare. Dhe veçanërisht në javët dhe muajt e fundit, ai u radikalizua përsëri për të provuar të bëjë politikë përmes rrugës dhe jo përmes dhomave të parlamentit. Më shumë transparencë dhe përfshirje e shoqërisë civile është një gjë që nevojitet në vend. Për sundimin e ligjit dhe korrupsionin. Korrupsioni mbetet një nga çështjet më të mëdha në vend, kërkohet një rekord më i fortë i hetimeve dhe dënimeve në nivel të lartë.
Andrey Kovatchev: Pa reformë zgjedhore dhe barazi gare, integrimi në BE mbetet i rrezikuar
Në Komisionin për Punët e Jashtme në Parlamentin Europian, eurodeputeti Andrey Kovatchev kërkoi një reformë gjithëpërfshirëse zgjedhore në Shqipëri, në përputhje me rekomandimet e OSCE/ODIHR dhe Komisioni i Venecias.
Ai theksoi se raporti pas zgjedhjeve të majit 2025 evidenton probleme të përsëritura si mungesa e barazisë mes partive, përdorimi i burimeve publike nga qeveria, akuza për blerje votash dhe presione ndaj zgjedhësve, përfshirë administratën.
Sipas tij, këto fenomene dëmtojnë besimin publik dhe standardet demokratike.
Kovatchev theksoi se rruga drejt BE kërkon konsensus të gjerë politik dhe përfshirjen e të gjitha palëve në proces.
Fjala e Andrey Kovatchev/ Reforma gjithëpërfshirëse zgjedhore është po ashtu thelbësore, në përputhje me rekomandimet e OECD/ODIHR dhe Komisionit të Venecias. Raporti përfundimtar i OECD/ODIHR pas zgjedhjeve parlamentare të majit 2025 evidentoi mangësi të vazhdueshme, mungesën e një fushë-loje të barabartë midis partive politike, përdorimin e gjerë të burimeve publike dhe pushtetit institucional nga partia në qeverisje, akuza për blerje votash dhe presion ndaj zgjedhësve, përfshirë punonjësit publikë, si dhe raste intimidimi. Praktika të tilla minojnë besimin e publikut dhe dobësojnë standardet dhe institucionet demokratike.
Së fundi, dua të nënvizoj se anëtarësimi në BE është një proces gjithëpërfshirës që kërkon konsensus të gjerë dhe pjesëmarrje aktive të të gjitha partive politike, shoqërisë civile dhe qytetarëve. r.p
