Kryetari i Partia Demokratike e Shqipërisë, Sali Berisha, deklaroi sot në fjalën e tij para mikëra protestuesve se një qeveri e drejtuar nga opozita do të shpallë vjedhjen e qytetarëve krim të rëndë dhe do të ashpërsojë ndëshkimet për zyrtarët e përfshirë në korrupsion.
Berisha u shpreh:
“Edi Rama, ky armik i egër i qenies së shqiptarëve, njëlloj si babai i tij shpirtëror, ka vendosur mbi shqiptarët censurën, mashtrimin, mashtrimin dhe censurën. Me mediat e tij të ushqyera si shushunjëza nga paratë e qytetarëve që vjedh në prokurime publike dhe pasuri publike, qytetarët dëgjojnë nga mëngjesi gjer në darkë mashtrime dhe vetëm mashtrime. Glorifikimin e të keqes, të krimit, të vjedhjes. Demonizimin e opozitës, censurimin e opozitës.”
Me këtë deklaratë, ai akuzoi kryeministrin Edi Rama për kontroll të informacionit dhe manipulim të opinionit publik përmes mediave.
Në vijim, ai shtoi:
“Por ne jemi sot këtu për t’u zotuar se zero tolerancë ndaj krimit të organizuar. Dhe në qoftë se në vitin 2005 ne rendëm pas Aldo Bareve dhe të tjerëve, Aldo Baret sot janë Edi Rama, Lubi Balluku, ministrat e tij, kurse kartelet e drogës, Elvis Doçi, Suel Çela janë thjesht ushtarët e tyre.”
Në këtë pjesë të fjalës së tij, Berisha përmendi me emra figura të njohura të botës së krimit si Aldo Bare dhe Suel Çela, si edhe emrin e Elvis Doçi, duke i përdorur si referenca në akuzat e tij politike. Ai përmendi gjithashtu zëvendëskryeministren Belinda Balluku në kuadër të këtyre akuzave.
Në përmbyllje, Berisha deklaroi:
“Shqipëria e lirë, Shqipëria e qytetarëve të lirë do të shpallë vjedhjen e qytetarëve krim të rëndë. Do ndëshkojë dy herë më shumë qeveritarët që arratisen… As ju, as Lubia, as Edi Rama, vrimë miu nuk do gjeni.”
Përmes kësaj deklarate, kreu i Partisë Demokratike paralajmëroi ndëshkime të ashpra për zyrtarët që, sipas tij, janë përfshirë në korrupsion apo tentojnë t’i shmangen drejtësisë. a.b
