Mediat ndërkombëtare raportojnë se Prince Andrew, vëllai i Charles III, është arrestuar nën dyshimin për sjellje të pahijshme në funksion publik, në lidhje me çështjen e njohur si dosja “Epstein”.
Sipas një raportimi të BBC, arrestimi ka ardhur pas rihapjes së hetimeve që lidhen me marrëdhëniet e figurave të larta publike me financierin amerikan Jeffrey Epstein.
Autoritetet britanike thuhet se kanë vepruar pas rritjes së presionit publik dhe publikimit të dokumenteve që konsiderohen komprometuese për disa persona të përfshirë në çështje. Deri më tani, Pallati Mbretëror nuk ka dhënë një reagim zyrtar lidhur me zhvillimet e fundit.
