Është zbardhur ngjarja e ndodhur pas mesnate në zonën e Saukut, ku mbeti e plagosur me armë zjarri 18-vjeçarja N. Murati, e cila ndodhet jashtë rrezikut për jetën.
Sipas hetimeve, e reja dyshohet se është vetëplagosur në ambientet e një hoteli, ndërsa ndodhej me partnerin e saj. Ajo është transportuar në spital nga persona që ndodheshin në vendngjarje.
Në vijim të veprimeve procedurale, policia ka arrestuar Mirvetje Gjuta, 48 vjeçe dhe Vladimir Gjuta, 46 vjeç (nëna dhe xhaxhai i 22-vjeçarit), për veprat penale “Moskallëzim i krimit” dhe “Veprime që pengojnë zbulimin e së vërtetës”.
Ndërkohë janë shpallur në kërkim: Sajmir Gjuta, 49 vjeç, Erisjaldo Gjuta, 24 vjeç, Elvir Gjuta, 22 vjeç.
Sipas policisë, këta shtetas dyshohet se kanë prishur provat në vendin e ngjarjes dhe nuk kanë kallëzuar krimin, ndërsa 22-vjeçari akuzohet edhe për “Armëmbajtje pa leje”.
Policia vijon punën për gjetjen dhe sekuestrimin e armës së zjarrit të përdorur, si dhe për kapjen e tre personave të shpallur në kërkim. Materialet procedurale i janë referuar Prokurorisë për veprime të mëtejshme.a.b
