Diella
Gjashtë muaj pas prezantimit të ministres virtuale “Diella”, aktorja Anila Bisha, imazhi dhe zëri i së cilës u përdorën për krijimin e këtij avatari, i është drejtuar gjykatës me një padi ndaj kryeministrit Edi Rama.
Në kërkesën për sigurimin e padisë, Bisha kërkon vendosjen e një mase të përkohshme, përmes së cilës të urdhërohet pala e tretë të ndalojë përdorimin e të dhënave të saj personale – konkretisht imazhit dhe zërit – që lidhen me krijimin e avatarit të Ministres për Inteligjencën Artificiale, deri në përfundim të procesit gjyqësor.
Sipas saj, kontrata fillestare parashikonte përdorimin e imazhit vetëm për shërbimet e platformës e-Albania. Por me ngritjen e “Diellës” në funksionin e ministres, aktorja pretendon se nuk është konsultuar dhe as nuk është përfshirë në një marrëveshje të re kontraktuale për përdorimin e imazhit të saj në këtë rol të ri publik.
Në padi argumentohet se, përtej perceptimit publik, përdorimi dhe “patentimi” i figurës së Diellës përbën shkelje të të drejtave të autorit dhe të drejtave mbi të dhënat personale, duke cenuar kontrollin e aktores mbi zërin dhe imazhin e saj.
Në dokumentin për sigurimin e kërkesëpadisë, Bisha thekson se veprimet e ndërmarra nga pala e tretë i kanë shkaktuar një dëm të konsiderueshëm, të menjëhershëm dhe të pariparueshëm
