Gazetari Elio Laze është vënë në pranga nga Policia e Tiranës nën dyshimet për gjobëvënie. Sipas burimeve zyrtare, pronari i portalit “Priza.al” dyshohet se i ka kërkuar 20 mijë euro një zyrtari të Institutit të Shëndetit Publik (ISHPS), Klaus Shaqiri.
Ka qenë vetë zyrtari që ka bërë kallëzim në polici, duke denoncuar pretendimin për shtrëngim me qëllim përfitimin e shumës së parave.
Gjatë momentit të arrestimit, uniformat blu kanë sekuestruar 5 mijë euro cash që iu gjetën gazetarit. Ndaj tij është ngritur akuza për veprën penale “Shtrëngim me anë të kanosjes për dhënie pasurie”, ndërsa hetimet vijojnë për zbardhjen e plotë të rrethanave të ngjarjes.a.b
