Ministrja Albana Koçiu u shfaq sonte pas protestave ndërkohë që ka më shumë se dy javë që nuk ka dhënë asnjë shpjegim për gazin e skaduar me përqëndrime të shtuara cianuri hedhur mbi mijëra protestues, dhjetra gazetarë e qindra policë pa masa mbrojtëse. Koçiu po kërkon nga prokuroria e gjykata të hrtojnë me rreptëdi e gjykojnë me goditje për protestuesit që hodhën molotovë por nuk i la ata të hetonin luftën kimike ndaj protestuesve nga dritaret e Kryeministrisë.
“Ata mbetën të plagosur nga molotovët e hedhur në mënyrë barbare drejt tyre. Ledio 26 vjeç, Kreshniku 38, Enesi 21, Klevi 27, Bledari 27. Kundër tyre e kolegëve të tyre u përdorën molotovë, bomba artizanale të mbushura me lëndë djegëse, gurë, cdo gjë me të vetmin qëllim për goditur e dhunuar ata që janë në krye të detyrës.
Dua ta them qartë! Ata që goditën punonjësit e Policisë nuk janë protestues. Ata janë kriminelë të organizuar. Kur godet me të tilla mjete e bën duke e ditur se pasojat mund të jenë shumë, shumë të rënda.
Kjo nuk është protestë, këto nuk janë përplasje. Kjo quhet tentativë vrasjeje.
Pres nga institucionet ligjzbatuese të reagojnë fort ndaj kësaj sjellje të përsëritur të dhunës nga disa elementë kriminal, të nxitur nga persona me imunitet që inkurajojnë dhunën”, shkruan Ministrja e Punëve të Brendshme, në rrjetet sociale.
