Një person ia doli të shpëtonte nga një atentat me lëndë eksplozive vendosur në makinën e tij.
Mirash Gjikola, 57 vjeç, ka kontaktuar Komisariatin e Policisë Sarandë pasi ka konstatuar diçka të dyshimtë në automjetin e tij. Ai ka deklaruar se, teksa po udhëtonte në vendin e quajtur “Kthesa e Vrinës”, në aksin rrugor Shëndëlli–Vrinë, ka dëgjuar zhurma të pazakonta në mjet dhe pas ndalimit ka vënë re praninë e një sasie të dyshuar lënde eksplozive.
Menjëherë në vendngjarje kanë mbërritur forca të shumta policie, ndërsa në operacion janë angazhuar edhe specialistë të krimeve të rënda nga Drejtoria Vendore e Policisë Vlorë, si dhe reparti anti-eksploziv i RENEA-s.
Nga verifikimet paraprake, mësohet se në automjetin tip “Nissan”, me targa AA 725 LG, është gjetur një sasi lënde eksplozive e vendosur në sediljen e pasme. Dyshohet se mekanizmi i shpërthimit ishte i komanduar në distancë. m.k
