Banorët bllokojmë punimet
Banorët e zonës së Rrjolit në Velipojë kanë protestuar edhe sot kundër projektit për ndërtimin e një resorti luksoz, duke kërkuar ndalimin e menjëhershëm të punimeve.
Gjatë protestës është shënuar një përplasje mes protestuesve dhe forcave të rendit, ku si pasojë një nga banorët ka humbur ndjenjat. Sipas protestuesve, ambulanca është vonuar rreth 15 minuta për të mbërritur në vendngjarje.
Rreth 60 familje pretendojnë se tokat e tyre janë zaptuar në mënyrë të paligjshme, ndërsa theksojnë se disponojnë certifikata pronësie dhe se çështja ndodhet ende në proces gjyqësor. Ata akuzojnë kompaninë ndërtuese se ka vijuar punimet pavarësisht konfliktit ligjor.
“Tokat tona u zaptuan, kemi certifikata pronësie. Firma po punon edhe pse jemi ende në gjyq. Për zaptimin e pronave janë falsifikuar dokumentet. Leja e ndërtimit të resortit u firmos nga Balluku. Hipoteka e Shkodrës duhet të merret në hetim”, kanë deklaruar banorët gjatë protestës.
