Vendi ka ka rrëshqitur skarpata
Qarkullimi i automjeteve në aksin rrugor Librazhd–Qafë Thanë është bllokuar plotësisht në të dyja drejtimet, në zonën e quajtur Dragostunjë, si pasojë e rrëshqitjes së një masivi dheu dhe gurësh nga mali.
Në vendngjarje ndodhen shërbimet e Policisë Rrugore, të cilat po bashkëpunojnë me firmën kontraktore përgjegjëse për mirëmbajtjen e rrugës, me qëllim pastrimin e aksit dhe rikthimin sa më të shpejtë të qarkullimit normal të automjeteve.
Policia Rrugore e Elbasanit u bën apel drejtuesve të mjeteve që kanë si destinacion Korçën apo udhëtimin në drejtim të kundërt, të shmangin lëvizjen në këtë aks deri në një njoftim të dytë për hapjen e rrugës.
Autoritetet do të informojnë në vijim për çdo zhvillim lidhur me situatën në këtë segment rrugor.
