Një ngjarje e rëndë është shënuar mesditën e sotme në Bulqizë. Më datë 31 janar 2026, në një zonë minerare të këtij qyteti, është gjetur pa shenja jete një burrë 58 vjeç, i punësuar si rojë private pranë një subjekti minerar.
Sipas të dhënave paraprake nga hetimet e kryera, dyshohet se 58-vjeçari ka rrëshqitur nga një lartësi, çka ka sjellë humbjen e jetës së tij. Deri në këto momente, nuk ka indicie për përfshirje të personave të tjerë në ngjarje.
Në vendngjarje ka mbërritur grupi hetimor, i cili, nën drejtimin e Prokurorisë, po kryen veprimet procedurale për të zbardhur plotësisht rrethanat dhe shkaqet e kësaj ngjarjeje. a.b
