Gjykata e Posaçme e Apelit për Korrupsionin dhe Krimin e Organizuar ka vendosur të mos e lirojë nga qelia Ilir Metën, duke refuzuar kërkesën e tij për zëvendësimin e masës së sigurisë “arrest në burg”.
Me trup gjykues monokratik të përbërë nga gjyqtarja Saida Dollani, Apeli shpalli sot, më 30.01.2026, vendimin për çështjen penale nr. 37 akti, të regjistruar më 26.01.2026, mbi ankimin e paraqitur nga i pandehuri I.M. kundër vendimit të Gjykatës së Posaçme të Shkallës së Parë.
Ilir Meta kishte ankimuar vendimin nr. 40/863, datë 05.01.2026, duke kërkuar zëvendësimin e masës së sigurimit personal “arrest në burg” me një masë më të butë, sipas parashikimeve të Kodit të Procedurës Penale.
Pas shqyrtimit të çështjes, Gjykata e Posaçme e Apelit vendosi mospranimin e ankimit të paraqitur nga i pandehuri, përmes mbrojtësit të tij ligjor, avokat Gylsen Zhllima, duke lënë në fuqi masën e sigurisë së vendosur më herët.
Vendimi do t’u njoftohet palëve, ndërsa ndaj tij mund të bëhet rekurs në Gjykatën e Lartë. a.b
