Këshilli i Ministrave ka miratuar ndryshime në drejtimin e disa institucioneve dhe strukturave shtetërore gjatë mbledhjes së zhvilluar ditën e sotme.
Sipas njoftimit zyrtar të Agjencisë për Media dhe Informim, Gent Gazheli është liruar nga detyra e Drejtorit të Përgjithshëm të Doganave dhe është emëruar Zëvendësministër i Mjedisit.
Në krye të Drejtorisë së Përgjithshme të Doganave është emëruar Besmir Beja, i cili më herët ka mbajtur funksionin e Sekretarit të Përgjithshëm të Ministrisë së Financave.
Po ashtu, Këshilli i Ministrave ka vendosur emërimin e Gentian Kerrit në detyrën e Sekretarit të Përgjithshëm të Ministrisë së Financave.
Ndryshimet vijnë në kuadër të riorganizimit të strukturave drejtuese dhe forcimit të administratës shtetërore, bëhet me dije në njoftimin për mediat.a.b
