Belinda Balluku
Është shtyrë mbledhja e Këshillit për Rregulloren, Mandatet dhe Imunitetin, e parashikuar të mbahej sot në mesditë, ku do të shqyrtohej çështja e imunitetit të zv/kryeministres Belinda Balluku. Vendimi është bërë i ditur përmes një njoftimi zyrtar të Këshillit të Mandateve.
Shtyrja vjen pas faktit se Gjykata Kushtetuese nuk ka dalë ende me një vendim lidhur me kërkesën e qeverisë për rrëzimin e pezullimit nga detyra të vendosur nga GJKKO ndaj zv/kryeministres.
“Nëpërmjet Urdhrit të Kryetarit nr. 8, datë 27.01.2026, ju njoftojmë për shtyrjen e mbledhjes që ishte planifikuar të zhvillohej sot, më 28.01.2026, në orën 12:00”, thuhet në njoftimin zyrtar të Këshillit për Rregulloren, Mandatet dhe Imunitetin.
Një ditë më parë, Gjykata Kushtetuese zhvilloi shqyrtimin e kërkesës së qeverisë, por nuk mori një vendim përfundimtar lidhur me kundërshtimin e pezullimit nga detyra të Belinda Ballukut, duke lënë kështu pezull edhe procesin parlamentar për imunitetin e saj.a.b
