Gjykata e Posaçme kundër Korrupsionit dhe Krimit të Organizuar ka rrëzuar kërkesën e përfaqësuesve të medias për lejimin e kamerave dhe transmetimin live të seancës gjyqësore për dosjen “Partizani”. Vendimi u arsyetua me faktin se prania e kamerave mund të ndikojë në mbarëvajtjen e procesit gjyqësor.
Sipas trupës gjykuese, çështja përfshin një numër të madh dëshmitarësh dhe transmetimi i drejtpërdrejtë rrezikon të ndikojë në dëshmitë e tyre, si dhe ta kthejë procesin në një debat të gjerë publik.
Gjykata theksoi se këto elemente cenojnë zhvillimin normal të procesit dhe garancitë për një gjykim të rregullt.
Kërkesa për publicitetin e procesit ishte paraqitur edhe nga i pandehuri Jamarbër Malltezi, por nuk u pranua nga gjykata. “Dua qe fjala ime te regjistrohet me kamera“, tha Malltezi. a.b
