Protesta e mbytur me gaz toksik
Përdorimi i gazit lotsjellës të skaduar është akt kriminal ndërsa policia po i fshihet përballjes me publikun për këtë helmim të rëndë me pasoja afatgjata për shëndetin e atyre që ranë në kontakt me gazin.
Gazi i skaduar degjeneron në substanca tejet toksike dhe përdorimi i tij përbën shkelje të rëndë të protokolleve ndërkombëtare dhe të Konventës Europiane për të Drejtat e Njeriut.
Deputeti Bardh Spahia kërkon përgjegjësi penale deri te krye-urdhëruesit.
“Transformimi nga “Jo-vdekjeprurës” në “Toksik Vdekjeprurës”.
Kur gazi CS skadon, ai nuk humbet thjesht fuqinë. Ai degjenërohet kimikisht. Përbërësit e tij shpërbëhen në substanca tejet toksike, përfshirë okside cianidi dhe fosgjen. Policia kriminale përdori sot helme që mund të shkaktojnë dëme të pariparueshme në mushkëri, asfiksi të rëndë dhe, në rastet më të këqija, vdekje. Të përdorësh këtë lëndë ndaj një popullsie civile është baraz me përdorimin e armëve kimike të ndaluara.
Përveç helmit, një kanister i skaduar prej vitesh është një granatë e paparashikueshme. Mekanizmat e tij janë të degraduar. Në vend që të tymosë, ai mund të shpërthejë duke lëshuar copa metali (shrapnel) ose të kthehet në një predhë të ngurtë që thyen kocka dhe kafka. Të qëllosh me këtë mjet ndaj njerëzve të pambrojtur është tentativë vrasjeje.
Protokollet ndërkombëtare e ndalojnë rreptësisht përdorimin e municioneve të skaduara.
Kushdo që ka dhënë urdhrin për shpërndarjen dhe përdorimin e këtyre armëve, ka firmosur një urdhër për dëmtimin e shëndetit publik.
Ky veprim kriminal është gjithashtu një dhunim flagrant i Nenit 3 të Konventës Europiane mbi të Drejtat e Njeriut”, deklaroi deputeti i PD, Bardh Spahia i cili është edhe mjek.
Policia ende nuk ka dhënë asnjë shpjegim për këtë krim masiv para zyrës së kryeministrit. a.b
