Një ngjarje e mundshme kriminale në familje është parandaluar falë ndërhyrjes së shpejtë dhe veprimeve profesionale të shërbimeve të Policisë, në fshatin Lulëzim të Memaliajt.
Sipas njoftimit zyrtar, shërbimet e Stacionit të Policisë Memaliaj, në varësi të Komisariatit të Policisë Tepelenë, kanë ndërhyrë menjëherë pas marrjes së informacionit se një shtetas po ushtronte dhunë ndaj bashkëshortes së tij dhe po e kanoste atë me jetë.
Si rezultat i reagimit të menjëhershëm, u bë neutralizimi dhe arrestimi në flagrancë i shtetasit Lulëzim Doka, 53 vjeç, banues në fshatin Lulëzim. Gjatë kontrollit të ushtruar në banesën e tij, shërbimet e Policisë gjetën dhe sekuestruan një armë zjarri pistoletë, e cila u mor në cilësinë e provës materiale.
Policia bën me dije se ndërhyrja në kohë shmangu përshkallëzimin e situatës dhe rrezikun e një ngjarjeje të rëndë në familje.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme ligjore.a.b
