Tymi i gazit të hedhur mbi protestën
Policia sulmoi këtë mbrëmje me gaz që bllokon frymëmarrjen dhe shikimin posaçërisht gazetarët që po ndiqnin protestën, përveçse mijëra të tjerë që protestonin.
Edhe kur po largoheshin me vrap nga toksikimi sërish policia e shënjoi ata. Kushdo mund të shikojë pamjet e personave që po lëviznin nga kryeministria në drejtim të Rogner dhe lulishtes para Parlamentit.
Gazi i përdorur ka lënë një shije të metaltë në gojë tek ata që kanë rënë në kontakt, ndryshe nga herët e tjera që gazi digjte dhe shkaktonte lotim.
Ndërkaq policia duhet të publikojë menjëherë përmbajtjen e gazit të sulmit, efektet e tij, si neutralizohet në kushtet e rrugës. Ndryshe policia dhe urdhëruesit duhet të ndiqen penalisht për përdorim të solucioneve kimike të dyshuara helmuese mbi turmat e qytetarëve.
Prokuroria duhet të marrë urgjent mostrat e gazit dhe të hetojë përqëndrimin e përbërësve tij toksikë, nervoparalizuese dhe agresiv në shikim dhe mushkëri. a.b
