Rrexhep Rraja
Apeli i Posaçëm ka lënë në fuqi masën e sigurisë “arrest me burg” për 8 persona të dyshuar si pjesëtarë të grupit Rraja, mes të cilëve edhe djali i ish-deputetit të Partisë Socialiste, Rexhep Rraja.
Të arrestuarit, Islam Sefa, Jani Çavo, Aldo Gjini, Marvin Bushati, Përparim Rraja, Gazmir Rraja, Rexhep Rraja dhe Zamir Aliaj, u vunë në pranga në muajin dhjetor me urdhër të SPAK. Sipas Prokurorisë së Posaçme, grupi Rraja, në bashkëpunim me dy grupe të tjera kriminale, dyshohet se ka trafikuar lëndë narkotike në disa linja ndërkombëtare.
Hetimet tregojnë se droga është trafikuar nga Shqipëria drejt Malit të Zi me destinacion final Gjermaninë, nga Shqipëria drejt Turqisë, si edhe nga vendet e Amerikës së Jugut drejt vendeve të Bashkimit Evropian. SPAK ka dokumentuar tre episode konkrete të trafikimit të drogës gjatë viteve 2020–2021.
Episodi i parë daton më 3 nëntor 2020, kur autoritetet e Malit të Zi sekuestruan 1 722 kilogramë marijuanë që ishte nisur nga Shqipëria drejt Gjermanisë. Episodi i dytë u regjistrua më 23 nëntor 2020, ku në Holandë u sekuestruan 475 kilogramë kokainë të ardhura nga Ekuadori në portin e Vlissingen. Episodi i tretë është shënuar më 26 janar 2021, kur në Turqi u sekuestruan 236 kilogramë marijuanë të nisura nga Shqipëria.a.b
