Foto ilustruese
Një konflikt për motive të dobëta ka degjeneruar në dhunë në qytetin e Kukësit, ku disa persona kanë ushtruar dhunë fizike dhe kanë tentuar të vrasin me armë zjarri një shtetas.
Sipas informacioneve paraprake, shtetasit Ç. M. dhe E. M., kushërinj mes tyre, dyshohet se së bashku me tre persona të tjerë janë përfshirë në një konflikt në ambientet e një lokali. Gjatë përplasjes, ata kanë goditur me shkop bejsbolli shtetasin S. I., ndërsa më pas dyshohet se kanë qëlluar me armë zjarri në drejtim të tij, raporton A2 CNN.
Si pasojë e dhunës, S. I. ka pësuar dëmtime trupore nga goditjet me shkop bejsbolli dhe është transportuar në spital, ku po merr ndihmë mjekësore. Nga të shtënat me armë zjarri nuk raportohet për persona të plagosur.
Autoritetet po punojnë për sqarimin e plotë të rrethanave të ngjarjes dhe identifikimin e personave të tjerë të përfshirë. a.b
