Rënia e e-Albania dhe sistemeve shëndetësore këtë mëngjes lë mijëra pacientë pa ilaçe.
Rënia e sistemit e-Albania dhe platformave të lidhura me shëndetësinë ka shkaktuar kaos në shërbimin farmaceutik, duke lënë mijëra pacientë pa mundësi për të marrë ilaçet e përshkruara.
Edhe pse pacientët janë pajisur me kodet përkatëse nga mjekët, recetat elektronike nuk po ekzekutohen dot nëpër farmaci për shkak të mosfunksionimit të sistemit.
Farmacistët shprehen se pa akses në platformë nuk kanë asnjë mundësi të shohin emrin e ilaçit, sasinë apo dozën që duhet të japin, duke e bërë të pamundur shërbimin ndaj pacientëve.
Sipas procedurës, receta elektronike funksionon në mënyrë digjitale: pacienti paraqitet në farmaci me kartën e identitetit dhe kodin e marrë nga mjeku, ndërsa receta ekzekutohet përmes sistemit. a.b
