Emiljana Sako
Partia Demokratike ka denoncuar një procedurë prokurimi të Shoqërisë Rajonale Ujësjellës-Kanalizime Durrës, duke e cilësuar atë si një rast të dyshuar konflikti interesi dhe favorizimi familjar. Denoncimi u bë nga zëdhënësja e Antikorrupsionit në PD, Genta Vangjeli.
Sipas deklaratës, UK Durrës sh.a., ku aksionere kryesore është edhe Bashkia Durrës, ka shpallur fituese në një tender kompaninë “Mektrin Motors” sh.p.k., e cila, sipas PD-së, është e lidhur drejtpërdrejt me familjen e kryebashkiakes Emirjana Sako. Vangjeli tha se kompania është themeluar nga bashkëshorti dhe vjehrri i kryetares së bashkisë dhe aktualisht figuron në pronësi të kunatit të saj.
PD thekson se procedura e prokurimit është zhvilluar me vetëm një ofertë konkurruese, duke ngritur dyshime për mungesë gare reale. Vlera e kontratës fituese arrin rreth 98 për qind të fondit limit, ose 11.6 milionë lekë.
Sipas Partisë Demokratike, kontrata 12-mujore do t’i kushtojë buxhetit të UK Durrës rreth 10 mijë euro në muaj, ndërsa kërkohet transparencë dhe hetim mbi ligjshmërinë e këtij tenderi.a.b
