Alban Dokushi dhe Erion Veliaj
Gjykata ka vendosur detyrimin e Bashkisë për të rikthyer Alban Dokushin në detyrën e Sekretarit të Përgjithshëm, duke e cilësuar të paligjshëm shkarkimin e tij nga ky funksion.
Sipas vendimit gjyqësor, largimi nga detyra i Alban Dokushit nuk është kryer në përputhje me ligjin, çka ka sjellë rrëzimin e aktit administrativ të nxjerrë nga kryetarja e Bashkisë, Anuela Ristani. Për rrjedhojë, institucioni vendor është i detyruar të rikthejë Dokushin në pozicionin që mbante më parë.
Vendimi i gjykatës vlerëson se procedurat e ndjekura për shkarkimin kanë qenë në kundërshtim me legjislacionin në fuqi, duke cenuar të drejtat e nëpunësit civil. Rikthimi në detyrë pritet të shoqërohet edhe me përfitimet përkatëse financiare, sipas parashikimeve ligjore.
