Kryetari i lëvizjes “Shqipëria Bëhet”, Adriatik Lapaj, u bëri thirrje qytetarëve që të bashkohen kundër qeverisë së kryeministrit Edi Rama, duke theksuar nevojën për një reagim të fortë qytetar ndërsa përshëndeti pjesëmarrësit në protestën para Kryeministrisë me sloganin “Edi Rama, o hajdut”.
Gjatë fjalës së tij, Lapaj akuzoi qeverinë se ka prodhuar vetëm frikë, varfëri dhe ka lejuar përhapjen e drogës dhe krimit të organizuar në vend. Sipas tij, Shqipëria është kthyer në një shtet ku korrupsioni dhe keqqeverisja mbizotërojnë, ndërsa institucionet janë vënë në funksion të interesave kriminale.
Ai u shpreh se droga dhe krimi nuk mund të bëhen kurrë sistem qeverisjeje dhe se kjo situatë përbën një rrezik serioz për kombin. Lapaj theksoi se qeveria aktuale do të mbahet mend si ajo që mbolli frikë dhe drogë, duke shtuar se kjo, sipas tij, duhet luftuar deri në rrënjë.
Në përfundim, ai përsëriti akuzat e tij të ashpra ndaj kryeministrit Edi Rama, duke kërkuar ndryshim të menjëhershëm politik dhe institucional në vend.a.b
