Kryeministri Edi Rama ka bërë sot parashikimin e motit edhe për atë që ka ndodhur, po ndosh e do të ndodhe ditët në vijim por edhe vitet në vijim duke sfiduar burokratët e stacioneve meteorologjike, në Tiranë, në Shqipëri e natyrisht edhe më gjerë.
Parashikimi i Ramës për dje:
Vorbulla atmosferike: Kjo javë ka qenë tejet e ngarkuar me reshje e me dëborë, një gjendje atmosferike e zgjatur dhe e rëndë, e cila nuk ka prekur thjesht Shqipërinë. …Stambolli përjetoi një situatë filmash apokaliptikë, ku i njëjti i ftohtë, i njëjti shi, e njëjta dëborë e të njëjtat përmbytje e bllokime, kanë krijuar të njëjtën situatë psikologjike për njerëzit.
Parashikimi i Ramës për sot:
Një masë ajri e ftohtë nga veriu është përplasur me ajër të ngrohtë e të lagësht nga Mesdheu, dhe ka krijuar pikërisht këtëvorbull atmosferike mbi Evropën Juglindore, duke sjellë reshje të vazhdueshme dhe temperatura të ulëta.
Prandaj edhe lumenjtë rriten përsëri para se të bien. Prandaj edhe toka mbetet e ngopur me ujë. Prandaj edhe reshjet e shiut e të dëborës marrin përmasa anormale.
Parashikimi i Ramës për ditët në vijim:
Ndryshimi klimatik nuk do të thotë vetëm vera më të nxehta, por do të thotë stinë të çrregullta, sisteme atmosferike të ngadalta, ku nuk ka qarkullim normal të këtyre flukseve, prandaj edhe krijohen vorbulla dhe pastaj të papriturat e një moti më ekstrem e më këmbëngulës në atë ekstremitetin e vet.
Parashikimi i Ramës deri në 2030 kur do të bëhemi anëtarë të BE:
Më shumë thatësira e më shumë zjarre, më shumë vorbulla atmosferike e më shumë përmbytje, është tashmë një kuadrat i rii klimës ku jetojmë, e cila nuk është më klima ku jemi rritur. Endri Kajsiu
