Është publikuar fotografia e autorit të dyshuar të dhunimit të një 26-vjeçari në Tiranë, ngjarje e ndodhur pak ditë më parë.
Sipas policisë, personi që shfaqet në foto është 49-vjeçari Helidon Marku, i cili dyshohet se ka goditur me çekiç të riun pranë rrethrrotullimit të Freskut, më 6 dhjetor. Marku është vënë në pranga nga uniformat blu.
Hetimet paraprake kanë zbuluar se dhunimi dyshohet të jetë kryer me porosi të dy personazheve të njohur në rrjetin social TikTok: 36-vjeçarit Gjokë Ndrevataj, i njohur si “Aron”, dhe 30-vjeçarit Xhemal Uka, i njohur si “Fire”.
Sipas dyshimeve, porosia për sulmin lidhet me komentet që 26-vjeçari kishte bërë gjatë transmetimeve “live” të tyre në TikTok. Autoritetet po vijojnë hetimet për të zbardhur plotësisht rrethanat e ngjarjes dhe për të përcaktuar përgjegjësitë penale të personave të përfshirë. r.k
