Rama dhe Filip Çakuli manipuluan regjistrimin e kryer nga ministri i atëhershëm i Ekonomisë, Dritan Prifti, për të organizuar 21 Janarin e 2011. Meta dha dorëheqjen, kishte standarde atëherë jo si tani, tha Berisha sot në një konferencë për shtyp.
“Së pari, dihet botërisht se Edi Rama për të organizuar 21 Janarin, manipuloi dhe falsifikoi në bashkëpunim me Filip Cakullin një regjistrim të marrë nga i ndjeri Dritan Prifti sipas të cilit Ilir Meta ishte paguar 700 mijë euro nga një biznesmen që kërkonte të drejtën e tij.
Sali Berisha kryeministër, së pari kishte dëgjuar Dritan Priftin, ose i ishte kërkuar nga Dritan Prifti ta emëronte në një detyrë tjetër të rëndësishme ose përndryshe ka një regjistrim.
Fjala ime ishte kjo: nxirre sapo të dalësh nga dera e zyrës time. Nxirre.
Kjo është e vërteta.
Kurrë, kurrë nuk më merr dot kush mua peng.
E dyta, ka pasur një shkresë të firmosur në mos gaboj nga pronari i një kompanie që kishte fituar me gjyq, jo nga qeveria, por me gjyq, koncesionin e një hidrocentrali. E kishte fituar me gjyq, qeveria ia kishte dhënë një kompanie tjetër.
Dhe ky zotëri shkruante në shkresën e tij se nga moszbatimi i vendimit të gjykatës, kompania ime ka humbur 700 mijë euro.
Dhe Ilir Meta, meqenëse shkresën ia kishte adresuar edhe Ilir Metës ky biznesmeni, meqenëse ishte ministër, Ilir Meta i thotë Dritan Priftit, duhet zbatuar vendimi i gjykatës sepse i është bërë dëmi 700 mijë euro kompanisë.
Edi Rama dhe Filip Çakulli marrin fjalë me copy-paste me 28 herë në video dhe nxjerrin sikur Ilir Meta i ka thënë se kemi marrë 700 mijë euro”, tha Berisha i cili është thirrur nga SPAK për të dëshmuar në lidhje me vrasjet në protestën e 21 janarit të 2011. a.b
