Zvicra merr kërkesën zyrtare për ekstradimin e Arben Ahmetajt ndërsa GJKKO vendos vijimin e procesit “Buka” në mungesë për ish-zv.kryeministrin.
Ministria e Drejtësisë ka dorëzuar zyrtarisht në Zvicër kërkesën për ekstradimin e ish-zv.kryeministrit Arben Ahmetaj. Lajmi u bë i ditur gjatë seancës së sotme në Gjykatën e Posaçme, ku gjyqtarja Irena Gjoka lexoi përgjigjet e mbërritura nga Interpol Tirana lidhur me ecurinë e procedurës ndërkombëtare.
Këto të dhëna u paraqitën gjatë relatimit të fakteve në procesin në themel për dosjen “Buka”, ku gjykata vendosi që gjykimi të vijojë në mungesë për Ahmetajn, i cili ndodhet jashtë Shqipërisë.
Avokati i tij, Henrik Ligori, deklaroi se për këtë çështje nuk ka asnjë masë sigurie të dhënë ndaj klientit të tij, duke theksuar se: “Masa është vendosur për efekt të një procedimi tjetër, jo për dosjen ‘Buka’.”
Në këtë dosje, ish-numri dy i qeverisë akuzohet për shpërdorim detyre, me një dëm ekonomik të vlerësuar nga SPAK në 7 miliardë lekë.
Palët në proces nuk paraqitën asnjë kërkesë paraprake, ndërsa prokurori i SPAK, Elvin Gokaj, lexoi kërkesën për gjykim, duke i hapur rrugë vijimit të procesit ndaj Ahmetajt në mungesë.
Avokati i Ahmetajt tha se prokurori po thotë qe po na doli gje nga kjo do ngrejm akuze, nese ka hetime te tjera per kete ceshtje prokurori nuk kishte ngutje te mbyllte hetimet, nuk mund te jete proces i rregullt me akte surprize, nese ka prova te tjera prokurori ti paraqese.
Ndërsa Prokurori tha se kete akuze e kishim te detyruar ta njoftonin per shkak te afateve te parashkrimit, ceshtja eshte ndare per shkak te akteve qe kane ardhur nga Austria.
Prokurori kerkon te pyeten si deshmitarë14 persona nder to dhe ish ministri Shkëlqim Cani. r.k
