Vdes në spital Muço( Mustafa) Shaljani (Sheqeri) , i plagosur në atentatin ku u ekzekutua Gilmando Dani
Muço Shaljani (M. Sh.), i plagosur rëndë në atentatin e 11 nëntorit pranë rrethrrotullimit të Rinasit, ka ndërruar jetë gjatë natës në spital. Lajmi u konfirmua nga Drejtoria Vendore e Policisë Tiranë, e cila njoftoi se Shaljani nuk mundi t’u mbijetojë plagëve të marra pavarësisht trajtimit mjekësor.
Shaljani ndodhej në automjet së bashku me Gilmando Danin, i cili u vra në vend gjatë atentatit të tipit mafioz. Të dy po lëviznin me një automjet në rrethrrotullimin e Rinasit, kur persona ende të paidentifikuar kanë hapur zjarr ndaj tyre, duke shkaktuar vdekjen e menjëhershme të Danit dhe plagosjen e rëndë të Shaljanit.
Policia po vijon hetimet për zbardhjen e plotë të dinamikës së ngjarjes dhe identifikimin e autorëve. a.b
