Anëtarë të GjK
Kryeministri Edi Rama kërkoi për së dyti që Erion Veliaj të rikthehezët në zyrë për sa kohë ai nuk shkarkohet nga detyra veçse me zgjedhje.
Rama e bëri komentin e tij gjazë një podkasti me pesë socialistët që garojnë për Beratin, Vlorën, Tepelenën, Cërrikun dhe Matin.
“Nëse Tirana nuk do të ketë zgjedhje deri në 2027 dhe Kushtetuesja mendon se kryebashkiaku i Tiranës nuk mund të largohet, përveçse me zgjedhje, atëherë jemi përballë një disproporcioni të dyfishtë. Kush ka në dorë ndihmojë në zgjidhjen e këtij ngërçi absurd, duhet të kujtohet se, përtej të gjitha teorive të tjera të konspiracionit, kryeqyteti nuk mund të trajtohet si jetim për vite me radhë. Ky është një skandal në vetvete dhe është një skandal për të cilin qytetarët e Tiranës paguajnë një kosto, dhe kryeqyteti paguan një kosto çdo ditë, të padrejtë”, tha Rama.
Rama në njëfarë mënyre kërkoi që Kushtetuesja duket të nxjerrë Veliajn nga qelia dhe ta ridërgojë në zyrën e kryetarit të Bashkisë së Tiranës.
“Çdo njeri normal që nuk sheh tek qëndrimi i Kushtetueses një qëndrim të verbër kundër qeverisë, por ama në dëm të madh të Tiranës, por sheh një qëndrim të vendosur parimor, nuk ka se si të mos presë që, me të njëjtën parimësi, kur të gjykojë paraburgimin e tij, Kushtetuesja ta kthejë Erion Veliajn në detyrë për të vijuar procesin gjyqësor në gjendje të lirë, apo jo? Më duket se edhe kjo është gjëja më normale!”, tha Rama.
Erion Veliaj vijon të jetë kryetar i Bashkisë së Tiranës ndërsa ndodhet nl paraburgim në Durrës. a.b
