Sali Berisha
Kreu i PD, Sali Berisha tha sot se dënonte me forcë ndërhyrjen brutale të Edi Ramës te prokurori që ka dosjen e Ballukut. Sikurse thotë Berisha, kryeministri Rama i ka bërë telefonatë kërcënuese.
“Por unë jam këtu për të dënuar me forcën më të madhe ndërhyrjen brutale të Edi Ramës pranë prokurorit që ka dosjen e Lubi Ballukut.
Telefonatën kërcënuese që i ka bërë atij dhe çdo lloj kërcënimi tjetër që i është bërë një prokurori, i cili i gjetur para dëshmitarëve dhe fakteve të pakundërshtueshme, me shkrim, me film dhe çdo gjë, ka marrë vendimin e duhur…
…Prova, unë u them ju me garanci dhe siguri të plotë që ai është kërcënuar, por Edi Rama këtë nuk e pranon dot, sepse është i regjistruar…
…Altin Dumani është ndoshta një nga kërcënuesit e tij. Altin Dumani është një nga ata që i ka thënë, pak a shumë po e perifrazoj, mendo për kokën tënde.
Por të mos hyj në atë punë. Ai i Altinit është më pak, por kërcënimi i Ramës është shumë më tepër.
Kërcënimi i Ramës është një skandal shumë i madh. Se e di ti se po thërret zëvendëskryeministren”, shpjegoi Berisha në një dalje për mediat. a.b
