Policia e Shtetit
Lëvizje në radhët e Policisë së Shtetit: Emërime dhe transferime në disa komisariate
Policia e Shtetit ka bërë një sërë lëvizjesh të reja në strukturat e saj drejtuese, duke emëruar dhe transferuar disa drejtues komisariatesh në qarqe të ndryshme të vendit.
Sipas njoftimit zyrtar, Kryekomisar Mariglen Duçi, me detyrë Shef Komisariati në Malësi të Madhe, në DVP Shkodër, është emëruar Shef Komisariati në Dibër.
Ndërkohë, Kryekomisar Nertila Meta, që deri më tani mbante detyrën e specialistes në Sektorin kundër Dhunës në Familje dhe Mbrojtjes së të Miturve në Drejtorinë për Krimet në Volum pranë DPPSH, është emëruar Shefe Komisariati në Librazhd, në DVP Elbasan.
Kryekomisar Elton Halili, i cili drejtonte Komisariatin e Policisë Librazhd, transferohet Shef Komisariati në Bulqizë, në varësi të DVP Dibër.
Po në këtë kuadër, Kryekomisar Edvin Peci, me detyrë Shef Komisariati në Bulqizë, është emëruar Shef Komisariati në Komisariatin e Policisë nr.6 në Tiranë.
Në vend të tij, Kryekomisar Erdit Rrëçeku, që deri tani drejtonte Komisariatin nr.6 në kryeqytet, është emëruar Shef Sektori për Krimet në DVP Elbasan.
Gjithashtu, Komisar Klaudio Zhupa, me detyrë Shef i Seksionit për Krimet në Komisariatin e Policisë Kavajë, është emëruar Shef Komisariati në Malësinë e Madhe, në DVP Shkodër.
Ndërsa Kryekomisar Altin Lila, që drejtonte Komisariatin e Policisë Dibër, është emëruar Specialist për Hetimin e Krimeve ndaj Personit në Drejtorinë për Hetimin e Krimeve të Rënda në DPPSH. a.b
