Kreu i PD, Sali Berisha, i cili ka akuzuar kreun e SPAK, Altin Dumani, për ndërhyrje në hetime dhe mbrojtje të personave të përfshirë në afera kriminale dhe korruptive.
Në deklaratën e tij, Berisha ka folur për atë që e cilësoi si skandalin 5 milionë euro duke theksuar se burimi i informacionit është nga vetë prokuroria. Ai akuzoi Dumanin se ka shkuar në banesën e Kreshnik Farrukut”, ndërsa përmendi edhe raste të tjera të personave që, sipas tij, po mbrohen nga drejtësia.
“U them unë ju, një ushtri e Lubisë, u garantoj që dosjet mund të jenë edhe 15 aty. Nuk njihte kufij dhe asgjë ajo. Merrte edhe nga Banka Botërore, që e shihte abuzimin e tmerrshëm — vetëm në një verë janë shpërdoruar 600 milionë euro,” tha Berisha.
Sipas tij, abuzimet në sektorin e energjisë janë ndër më të mëdhatë, duke përmendur diferenca të mëdha mes çmimeve reale dhe atyre të shitura te konsumatorët shqiptarë.
“Energjia është shitur me 170 euro, faktikisht edhe me 43 euro, dhe është blerë nga shqiptarët me 305 euro. Me dokumente të gjitha,” – u shpreh Berisha.
Kreu i opozitës theksoi se Partia Demokratike do të vazhdojë të mbrojë interesin e qytetarëve dhe se respekton institucionet e drejtësisë kur ato qëndrojnë me ligjin, por akuzoi Dumanin për selektivitet dhe mungesë transparence në veprimet e tij.
“Si mund të pranoj unë Altin Troplinin, që mban në xhep mandatin e arrestit të Visit të Pojës dhe e nxjerr vetëm pas zgjedhjeve? Ja, urdhëro, kazusi i Kreshnik Farrukut,” tha Berisha, duke shtuar se rasti lidhet me pagesën 5 milionë euro për të regjistruar vëllain për krimet e tij.
Në fund, Berisha tha se Dumani është parë në Manzë, ku “sipas një burimi qytetar dixhital”, është shkëputur nga eskorta zyrtare dhe ka shkuar “në shtëpinë e delinkuentit”. r.p
