Ish-ambasadorja amerikane në Tiranë, Yuri Kim, është larguar nga detyra e saj në Departamentin e Shtetit, përmes një ceremonie personale pensioni zhvilkuar një ditë më parë në Washington. Ajo u largua në moshën 53 vjeçare shumë vite larg moshës së pensionit. Ende nuk ka gjë zyrtare në lidhje me arsyet e largimit të parakohshëm edhe me dëshirën e saj.
Kim shërbeu në Shqipëri si përfaqësuese e Shteteve të Bashkuara, në vitet 2019-2023 ndërkohë qëndrimet e saj forcuan shumë pozitat e Edi Ramës në pushtet dhe dobësuan e më pas përçanë opozitën në vend.
Gjatë mandatit në Tiranë, Yuri Kim mbështeti pa kufizime qeverinë e majtë edhe pse ishte e korruptuar dhe përshëndeti zgjedhjet parlamentare të 2021 para rezultatit zyrtar edhe pse u mësua se qeveria shplrndau gjatë fushatës afro 130 milionë euro në 3 qarqet më të mëdha të vendit.
Zyrtarë të lartë të PD thanë se ajo ndërhyri në gjykatën e Apelit për të ndryshuar vendimin e gjykatës së shkallës së parë që i dha vulën dhe simbolet e PD, Rithemelimit.
Para largimit të saj nga DASH Kryetari i Partisë Demokratike Sali Berisha, i ka bërë thirrje Kongresit Amerikan dhe FBI të nisin një hetim në lidhje me ish ambasadoren e SHBA në Tiranë Yuri Kim.
“Ajo ka qenë diplomate e korruptuar dhe unë kam ftuar FBI-në, kam ftuar Kongresin të hetojnë për korrupsionin e saj dhe ato informacione që unë disponoj, jam i gatshëm të ua vë në dispozicion”, pati deklaruar ai. a.b
