Eurodeputetët për kontrollin buxhetor përfundojnë misionin në Mal të Zi dhe Shqipëri
Një delegacion nga Komisioni për Kontrollin Buxhetor, i udhëhequr nga Kryetari Niclas Herbst, ka përfunduar një mision në Mal të Zi dhe Shqipëri, duke shqyrtuar masat ekzistuese për mbrojtjen efondeve të BE-së.
Eurodeputetët vlerësuan ngritjen dhe funksionimin fillestar të mekanizmave të rinj të kontrollit dhe auditimit të krijuar në kuadër të Mekanizmit për Reforma dhe Rritje për Ballkanin Perëndimor (RGF), i cili synon të garantojë menaxhimin e shëndoshë financiar të fondeve të BE-së.
Pas vizitës, z. Herbst tha: “RGF është një mundësi historike për Ballkanin Perëndimor, por suksesi i tij varet nga besueshmëria dhe qeverisja e fortë. Gjatë misioneve në Mal të Zi dhe Shqipëri, ne vlerësuam nëse ekzistojnë themelet për menaxhim të shëndoshë financiar, auditim të pavarur dhe një qasje me tolerancë zero ndaj mashtrimit dhe korrupsionit. Mali i Zi mbetet pararendës, megjithatë të dy vendet kanë përparuar mepërafrimin e kornizave të tyre ligjore dhe institucionale me standardet e BE-së, veçanërisht në shtetin e së drejtës, luftën kundër krimit të organizuar, rikuperimin dhe konfiskimin e aseteve, si dhe luftën kundër pastrimit të parave. Diskutimet me ministritë e financave dhe koordinatorët e RGF-sëkonfirmuan se mekanizmat për kontrollin e brendshëm dhe auditimin janë krijuar dhe funksionojnë.
Megjithatë, mbeten ende shqetësime serioze mbi faktin se si do të përdoren fondet e RGF-së. Sfidat përfshijnë korrupsionin e rrënjosur, krimin e organizuar, rreziqet e prokurimit me vonesa kronike në infrastrukturë, organet mbikëqyrëse që përballen me trysni politike, ndjekjen e dobët gjyqësore me gjykata të mbingarkuara, margjinalizimin e shoqërisë civile, keqpërdorimet e fondeve në të kaluarën në Shqipëri, si dhe mbështetjen me tepri të Malit të Zi te turizmi dhe pasuritë e paluajtshme. Rruga nga miratimi i rregullave të BE-së deri në ndërtimin e një kulture llogaridhënieje është e gjatë. Jemi të bindur se në dy deri në tre vitet e ardhshme, Mali i Zi dhe Shqipëria do të tregojnë rezultate të prekshme duke i kushtuar burime zbatimit, duke siguruar pavarësinë gjyqësore dhe të auditimit, si dhe duke mundësuar pjesëmarrjen e shoqërisë civile. Parlamenti Evropian do tamonitorojë nga afër zbatimin, pasi është në lojë besueshmëria e vetë procesit të zgjerimit të BE-së”.
Konteksti
Vizita u zhvillua më 16-18 shtator. Në Podgoricë, kryeqyteti i Malit të Zi, eurodeputetët u takuan me Kryetarin e Komisionit për Ekonominë, Financat dhe Buxhetin të Parlamentit të Malit të Zi, me përfaqësues të Ministrisë së Financave, me Prokurorin e Lartë të Shtetit, si dhe me përfaqësues të Institucionit Shtetëror të Auditimit. Ata vizituan gjithashtu Bankën për Zhvillim të Malit të Zi.
Në Tiranë, kryeqyteti i Shqipërisë, ata u takuan gjithashtu me përfaqësues të qeverisë dhe zyrtarë përgjegjës për menaxhimin dhe mbrojtjen e fondeve të BE-së, me përfaqësues të shoqërisë civile, si dhe vizituan vendndodhjen e një projekti të financuar nga BE-ja.
