Ashtu si inspektori i qenit që la pa ushqim e stërvitje qenin special shqiptar për gjetjen e njerëzve në gërmadhat e tërmetit, edhe kryeministri Edi Rama kushedi ku përlau paratë për premtimin e blerjes së dy avionëve kundër zjarrit që nuk u blenë kurrë.
Ndërsa dhjetra fshatra e pësuan nga flakët në të gjithë vendin edhe për shkak të mungesës së kapaciteteve për tu mbrojtur nga zjarri, Rama e ka komentuar sot këtë dramë si një ditë krenarie për zjarrfikësit dhe forca të tjera.
Ai thot se pavarësisht se avionët i ka edhe Greqia, gjithsej 77 ka Greqia. “Por bilanci i flakëve është më i madh negativ sesa i vitit të kaluar, për Greqinë, për Bashkimin Europian, për Turqinë, për ne dhe për të gjithë të tjerët, ky është fakti. Ky nuk është një opinion. Është më shumë sesa gjysmë, sesa dyfishi i mesatares së zjarreve dhe të sipërfaqeve të djegura të 20 viteve të fundit, kjo është në pasqyrën e statistikave të sistemit europian të informimit për zjarret. Mund të hyni dhe mund ta gjeni”, tha Rama ndërsa nuk pranon asnjë moment se dështoi tu gjendej njerëzve në nevojë.
Kryeministri Edi Rama në një komunikim live në Facebook me qytetarët, për përballimin e situatës së zjarreve në disa zona të vendit.
“Janë 207 shtëpi të dëmtuara, të prekura nga zjarri, por në këtë numër hyjnë 40 familje deri tani, të cilat faktikisht e kanë humbur shtëpinë plotësisht. Dua t’i siguroj të gjithë, qoftë familjet që kanë humbur shtëpinë plotësisht, qoftë familjet që kanë pësuar dëmtime në shtëpinë e tyre nga zjarri se ne po bëjmë sipas protokollit të situatës dhe me autoritetet përkatëse, inventarizimin e plotë të këtyre dëmeve dhe pa diskutim, që siç ka ndodhur në të shkuarën, do të ndodhë përsëri.
Deri tani numërohen 3619 krerë të humbur. Do të kompensohen një për një pa asnjë diskutim, ndërkohë që inventarizimi i tyre vazhdon”, deklaroi Rama.
Në vijim ai tha se kanë qenë në total 10249 forca të të gjitha llojeve që kanë pasur sipas protokollit të situatës, pjesën e vet të frontit, por në rradhë të parë dua të shpreh mirënjohje, respekt, falenderim për trupat zjarrfikëse të cilat meritojnë të gjithë admirimin dhe respektin me fjalë edhe mbështetjen ekstra financiare për ta, për zjarrfikësat dhe për forcat si ata, që ishin në krye të të gjithë kësaj rezistence kundër këtyre zjarreve të çmendur.
Po ashtu kemi pasur në territor 368 mjete zjarrfikëse të të gjitha strukturave vendore si edhe 635 mjete të tjera me kapacitete dhe me funksione të ndryshme, tha Rama.
Shqipëria numëron afërsisht 6000 forca ushtarake dhe 15000 forca policore. a.b
