Kodi i ri liron të dënuarit e përjetshëm vetëm pse janë enturazhi i Ramës, ndërkohë që burgos qytetarët për një parkim të gabuar, theksoi sot kreu i PD, Sali Berisha, i pari që bën edhe një analizë të draftit për ligjin themeltar të shtetit fill pas Kushtetutës.
“Sot me këtë kod, qytetari shqiptar dënohet me burg për një parkim të gabuar.
Me këtë kod, qytetari shqiptar burgoset për një kundërshtim që i bën një polici pijanec apo të droguar.
Sot qytetari shqiptar dënohet me dhjetëra vite në qoftë se i ka marrë ndërmarrjes 1 milion lekë. Ndërkohë që zyrtari i lartë duhet të vjedhë qindra milionë që të marrë dënimin që meriton.
Ky është kodi i përçudnive të mëdha.
Por nuk janë vetëm këto.
Pra, është kodi që vrasësit serialë i nxjerr nga dënimi i përjetshëm dhe u jep një shans të dytë, në një kohë kur në të gjitha ligjet, dhe sot në ligjet e vendeve demokratike të botës, ata marrin dënimin me vdekje.
Dhe në qoftë se pyeten qytetarët sot, janë të gatshëm të votojnë për rivendosjen e dënimit me vdekje.
Por meqenëse ka ndodhur që këta janë enturazhi i Edi Ramës, dhe qeveritarëve të tjerë, atëherë duhet të bëjmë ligjin që këtyre t’u japim një shans të dytë”, deklaroi kreu i PD, Sali Berisha. a.b
