Gjykata e Posaçme ka dhënë sot vendimin për të akuzuarit për inceneratorin e Tiranës duke dënuar me 3 vite burg Bledar Karolin, Taulant Tushen dhe Namik Simixhiun. Në përfundim, duke përllogaritur kohën e paraburgimit dhe çështjes së arrestit, GJKKO vendosi shuarjen e masës së sigurisë për këtë dosje.
Fatjon Murati është dënuar me 3 vite burg, por nga gjykimi i shkurtuar do të bëjë vetëm 2 vite burg. Valbona Ballgjini dhe Sidita Kopliku janë dënuar me 2 vite burg dhe 1 vit e 6 muaj burg, por me gjykim të shkurtuar, burgu konvertohet në shërbim prove dhe punë publike. Ndërkohë që Jetmir Llapaj është shpallur i pafajshëm.
DËNIMET/
Bledar Karoli – 3 vite burg me gjykim të shkurtuar, dënimi ulet në 2 vite dhe 5 vite ndalim nga funksionet publike, shuarje mase arresti në burg.
Taulant Tushe – 3 vite burg me gjykim të shkurtuar, dënimi ulet në 2 vite dhe 5 vite ndalim nga funksionet publike. Shuarje e masës së sigurimit arrest në burg.
Namik Simixhiu – 3 vite burg me gjykim të shkurtuar, dënimi ulet në 2 vite. Shuarje të masës së arrestit dhe heqje e të drejtës për funksione të publike.
Valbona Ballgjini – 2 vite burg, me gjykim të shkurtuar, i cili konvertohet në shërbim prove sa dyfishi i mbetur i pjesës së shlyerjes së dënimit. 5 vite pa funksione publike
Sidita Kopliku – 1 vit e 6 muaj, me gjykim të shkurtuar në 1 vit burg, i cili konvertohet në punë në të mirë publike. 5 vite pa të drejtë funksionesh publike.
Jetmir Llapaj – Shpallet i pafajshëm.
Fatjon Murati – 3 vite burg, me gjykim të shkurtuar, dënimi ulet në 2 vite dhe 5 vite ndalim nga funksionet publike. a.b
