Gjykata e Posaçme kundër Korrupsionit dhe Krimit të Organizuar (GJKKO) ka përfunduar sot seancën gjyqësore për çështjen e inceneratorit të Tiranës, ndërsa vendimi përfundimtar do të shpallet më 16 prill, ora 13:00.
Prokuroria ka kërkuar dënime me burg për disa prej të pandehurve, por shumica kanë përfituar nga gjykimi i shkurtuar, duke ulur një të tretën e dënimit si në vijim:
•Lefter Koka – 4 vite burg, përfituar 2.8 vite për shkak të gjykimit të shkurtuar
•Erjon Murataj – 4 vite burg, përfituar 2.8 vite
•Bledar Karoli – 4 vite burg, përfituar 2.8 vite
•Taulant Tusha – 4 vite burg, përfituar 2.8 vite
•Namik Simixhiu – 4 vite burg, përfituar 2.8 vite
•Valbona Ballgjini – 2 vite burg, dënimi konvertohet në shërbim prove
•Sidita Kopliku – 2 vite burg, dënimi konvertohet në shërbim prove
•Jetmir Llapaj – 2 vite burg, dënimi konvertohet në shërbim prove
Ndërkohë, katër të pandehur të tjerë, Silena Tola, Etleva Kondi, Alba Thoma dhe Pëllumb Abeshi, do të gjykohen në një proces të veçuar, pasi GJKKO pranoi kërkesën e tyre për t’u gjykuar me procedurë të zakonshme.
Procesi ndaj inceneratorit të Tiranës mbetet një nga çështjet më të ndjekura të drejtësisë për korrupsion në vend. r.k
