Ylli i teatrit dhe filmit shqiptar, Margarita Xhepa ndërroi jetë sot në mëngjes në moshën 91-vjeçare.
Lajmi u konfirmua nga i biri, aktori Ndriçim Xhepa.
Margarita Xhepa së fundmi ka qenë e rënduar nga mushkëritë ndërsa orët e fundit i kaloi nën kujdesin shëndetësor të një spitali privat në Tiranë.
Ditën e djeshme, më 2 prill, Margarita Xhepa festoi ditëlindjen.
Xhepa numëron mbi 150 role në teatër dhe 32 në kinematografi.
Margarita Xhepa mbetet në memorien e shqiptarëve në shumë filma si “Dimri i fundit”, “Koncert në vitin ‘36”, “Apasionata”, “Gjeneral Gramafoni”, etj.
Krahas titullit të lartë si “Nderi i Kombit”, në vitin 2007 iu dha “Çmimi i Karrierës” për rolin e Nadjezhnës në monodramën “Kënga e mjellmës” së Çehovit. Margarita Xhepës i është akorduar gjithashtu edhe titulli “Artiste e Popullit”. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
