Gjykata e Posaçme vendosi sot të shtyjë me 3 muaj hetimet ndaj Arben Ahmetajt për çështjen “Buka sha”.
Gjykata e Posaçme ka vendosur të zgjatë me tre muaj të tjerë afatin e hetimeve ndaj ish-zëvendëskryeministrit Arben Ahmetaj, pas kërkesës së Prokurorisë së Posaçme (SPAK), në kuadër të çështjes së njohur si “Buka sha”.
Ahmetaj akuzohet për “shpërdorim detyre” lidhur me procesin e privatizimit të ndërmarrjes shtetërore “Buka sha”, një veprim që dyshohet se i ka shkaktuar buxhetit të shtetit një dëm prej afro 7 milionë eurosh.
Në seancën gjyqësore të së mërkurës, ku pritej të merrej vendimi për dërgimin ose jo të çështjes për gjykim, SPAK kërkoi kohë shtesë për vijimin e hetimeve. Kërkesa është pranuar edhe nga pala mbrojtëse e Ahmetajt, ndërsa seanca e radhës është caktuar për datën 2 korrik 2025.
Fillimisht, SPAK kishte mbyllur hetimet në dhjetor të vitit 2024, por Gjykata e Posaçme Kundër Korrupsionit dhe Krimit të Organizuar (GjKKO) vendosi rikthimin e dosjes për plotësim të mëtejshëm të hetimeve. Edhe pse u dha një afat tre mujor, SPAK ka argumentuar se nuk ka arritur të përfundojë hetimet dhe ka kërkuar një zgjatje të re të afatit, e cila tashmë është miratuar nga gjykata.a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
