Kryeministri Rama ka mbajtur një podkast elektoral me pajisjet dhe shpenzimet e buxhetit të shtetit me 3 të rinj nga Vlora, njëri prej tyre kandidate në listën e mbyllur të PS.
Edhe pse e ka kandidate në listë të mbyllur në Vlorë, Rama e cilëson sërish si FRPD.
Kjo vajza, Sara, është larguar nga FRPD para një viti e gjysëm pasi i shoqi u emërua drejtor nga PS. Zgjedhje normale që të mos paragjykohej dhe mund të paragjykohej. Shqipëria është vend i vogël dhe në fakt kryqëzime të tilla janë të shtrira gjithandej.
Tjetra vajzë në podkast tha se ishte e majtë dhe se vetëm prirja politike e të shoqit e kishte bërë të ndiqte aktivitetet e FRPD në Vlorë. Tani i shoqi kishte vendosur të mos merrej me politikë dhe kjo ndjehej e çliruar të shfaqej e majtë siç ishte. Pra as nuk ka qenë FRPD.
Ai djali kishte një paqartësi. Por me sa duket e ka lodhë opozita e gjatë. Megjithatë ai duket se po i merr frytet kësaj gjëje, pra qëndroi në opozitë por nuk do të dalë pa gjë, jo aq shumë sa Sara por ka vend për inspektorë sa të duash. Mund të kishte duruar edhe 2 muaj. Se PS aty e ka nëse fiton zgjedhjet. Ky është ngutur pak.
Tani lëvizja nuk përbën problem të madh. Fragmente të tilla ka gjithmonë. Ka të rinj të majtë që i kanë kthyer b… me kojë Ramës.
Por raste të tilla nuk mënjanojnë problemin e madh që është raporti i qytetarëve kushdoqofshin ndërtojnë me të keqen, në rastin konkret me hajdutët më të mëdhenj të Vlorës dhe gjithë vendit, me narkotrafikantët e pushtetit.
Sara ndërkaq si akademike dhe deputete pas dy muajsh është përfshirë në një skenar dinak të pandershëm ndaj publikut duke krijuar lajm të rremë dhe pamje të rrejshme se të rinjtë e djathtë në Vlorë pëlqejnë Ramën, dhe më e rënda investohet në një anë edhe më të gjerë të gënjeshtrës se Rama shqetësohet për të rinjtë në të djathtë e rrjedhimisht për të gjithë të rinjtë.
Kjo është një nisje e gabuar e karrierës. Do i përmendet vazhdimisht kjo gjë për sa kohë do të jetë në hapësirën publike. Tjesht gënjeu, por gënjeshtra rëndohet pasi ish miqtë i saj i përdori ose i futi në një kontekst që favorizon PS dhe Ramën në zgjedhjet në Vlorë, pa konsensusin e tyre dhe për interesa të vetat, krejtësisht të vetat dhe familjes së saj.
Po pse Rama hapi këtë luftë pas shpine me FRPD. Duket qartë se të rinjtë janë kundër Ramës jo vetëm në Vlorë por në të gjithë vendin. E ka bërë për të thyer sadopak këtë frymë që ka përfshirë prej vitesh sidomos të rinjtë. FRPD duket qartë nga ‘kërkimet’ e Ramës se është edhe zona që nuk thyhet me blerje votash, as me presion dhe as me negociatë, siç i mbledh Rama votat.
Ky agresion i Ramës ndaj të rinjve që zgjedhin lirshëm afilimin e tyre politik duke ofruar si shembull gruan e drejtorit që ndërron mendje është një arsye më shumë për tu refuzuar prej cdo të riu.
Mendoni për një çast se në ç’nivel përfillje dhe integrimi nga ana e qeverisë dhe Ramës do të jeni nëse nuk do jeni gruaja e drejtorit apo burri i drejtoreshës. droni.al
