14 ton mish pule me salmonelë janë shitur para se të dalin analizat. Ndërkohë që ligji nuk e lejon shpërndarjen pa u bërë analiza.
Sipas burimeve zyrtare, analizat për këtë ngarkesë zgjatën 9 ditë – një periudhë gjatë së cilës u shitën 14 ton mish pule në tregjet shqiptare. Vetëm 4 ton mbeti pa u shpërndarë dhe u arrit të bllokohej pasi rezultatet dolën pozitive për salmonelë. Sasia tjetër është konsumuar nga qytetarët, pa asnjë paralajmërim.
Analizat morën kampionin me 12 mars dhe përgjigje u fha me 21 mars.
Një ngarkesë me mish pule të importuar nga Brazili ka shkaktuar alarm në Tiranë, pasi analizat laboratorike konfirmuan praninë e bakterit të rrezikshëm Salmonella Typhimurium. Autoriteti Kombëtar i Ushqimit (AKU) njoftoi se bëhet fjalë për një sasi fileto pule të ngrirë, e cila është shpërndarë në treg para përfundimit të analizave mikrobiologjike, duke rrezikuar seriozisht shëndetin e konsumatorëve.
AKU ka referuar rastin në Prokurorinë e Rrethit Gjyqësor Tiranë, duke ngritur akuza për mosrespektim të kritereve të gjurmueshmërisë dhe për dhënie të informacionit të pasaktë nga operatorët ekonomikë që importuan dhe shpërndanë mishin.
Ky skandal ka ngritur shqetësime të forta për sigurinë ushqimore në vend, ndërsa qytetarët kërkojnë transparencë.
Salmonella Typhimurium është një bakter që mund të shkaktojë helmime të rënda ushqimore, veçanërisht te fëmijët, të moshuarit dhe personat me sistem të dobët imunitar. Simptomat përfshijnë diarre, të vjella, temperaturë dhe dhimbje barku. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
