Partia Demokratike ka ngritur shqetësime mbi zhvillimin e edicionit të 108-të të ‘Giro d’Italia’ në Shqipëri, duke kërkuar negociata për ndryshimin e datave të eventit për shkak të përplasjes me zgjedhjet parlamentare të 11 majit.
Sipas zëdhënëses së Antikorrupsionit në PD, Genta Vangjeli, gara e çiklizmit, e cila do të mbahet në Tiranë, Durrës dhe Vlorë nga 9 deri më 11 maj, është e papërshtatshme të zhvillohet në ditën e zgjedhjeve, pasi angazhimi i strukturave mbështetëse, përfshirë Policinë e Shtetit, mund të ndikojë në mbarëvajtjen e procesit zgjedhor.
Vangjeli bëri të ditur se organizimi i ‘Giro d’Italia’ në Shqipëri do t’i kushtojë vendit 7 milionë euro, të cilat do të mbulohen nga fondi rezervë i buxhetit të shtetit. Deri më tani, janë alokuar 1 milion euro për organizatorët dhe 4 milionë euro të tjera janë miratuar më 6 mars me VKM nr.147 për pagesën e këstit të dytë të kontratës. Diferenca e mbetur pritet të akordohet në vijim.
Përballë kësaj situate, PD kërkon një rishikim të datave të eventit, duke argumentuar se prioriteti kryesor në 11 maj duhet të jetë procesi zgjedhor dhe garantimi i një mbarëvajtjeje të tij pa ndërhyrje nga ngjarje të tjera madhore.r.p
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
