Ish-Blloku, një nga zonat më të frekuentuara të Tiranës, do të shndërrohet në 3 rrugët e tij kryesore në pedonale duke favorizuar lëvizjen e këmbësorëve dhe me shpejtësi të kufizuar për automjetet.
Sipas nënkryetares së bashkisë, Frida Pashako, ndërhyrjet do të nisin me eliminimin e rrugëve paralele me Lanën dhe asfaltimin e rrugëve “Pjetër Bogdani” dhe “Brigada VIII”, ndërsa më vonë do të përfshijë edhe rrugën “Nikolla Tupe”. “Qëllimi është krijimi i një mjedisi më të sigurt për këmbësorët, duke unifikuar trotuarin dhe karrexhatën, në mënyrë që hapësira të jetë e përbashkët dhe e aksesueshme,” tha Pashako gjatë një interviste në tv Klan.
Një ndryshim i rëndësishëm do të ndodhë në rrugën “Ismail Qemali”, e cila, si arteria kryesore e ish-Bllokut, do të ketë një korsi të dedikuar për parkim dhe një tjetër për biçikletat, duke e lidhur me rrjetin ekzistues në kryeqytet. Për ndërtimin e saj do të përdoren materiale me nuanca të kuqërremta, të cilat do ta diferencojnë vizualisht nga rrugët e tjera.
Projekti, i cili do të nisë në maj dhe pritet të përfundojë në tetor, ka një kosto prej 300 milionë lekësh. Për realizimin e tij, bashkia është këshilluar me Maria Vasilaku, ish-nënkryetaren e Vjenës, një eksperte me përvojë në planifikimin urban.
Ajo që bie në sy është vlera prej 3 milionë euro investim megjithëse punohet në disa rrugë. Siç duket ky është efekti i parë financiar pas shkatërrimit të 5D dhe arrestimit të kryetarit të bashkisë, Erion Veliaj. r.k
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
