Kryeministri Edi Rama vijoi edhe sot sulmet me SPAK dhe GJKKO, gjatë rapoetimit në grupin parlamentar të PS të rektorit të UBT, Fatbardh Sallaku.
Rama tha se po bëhen paraburgime me një të rënë të lapsit dhe noterizime në Gjykatën Speciale.
“Përdorin filozofinë që çfarë çojmë ne atje ata vetëm e firmosin patjetër se ne jemi Amerika këto nuk i pranoj më dhe nuk kam për ti pranuar më. Nuk kam asgjë kundër hetimit. Të dalin të gjithë ata që kanë prekur qoftë edhe 1 euro të buxhetit të shtetit, ama këto paraburgimit me një të rënë të lapsit dhe noterizimet në Gjykatën speciale me filozofinë që çfarë çojmë ne atje ata vetëm e firmosin patjetër se ne jemi Amerika këto nuk i pranoj më dhe nuk kam për ti pranuar më. E kemi parë ne këtë film në kohëra të tjera. Ndaj demokracitë e kanë ndërtuar këtë sistem balancimi”, tha Rama.
Rama tha se te Prokuroria dhe Gjykata Spwciale nuk duhet të ketë hije metodash të Sigurimit të Shtetit dhe hije të metodave të Kremlinit. Sipas tij ndarjen e pushteteve është e aftë ta sigurojë vetëm Partia Socialiste, ndërsa tha se dëgjesa si kjo e sotmja do të ketë për këdo që do të dëgjohet, përveç atyre që tashmë janë në hetim.
“Kur paguan prokurorë më shumë se presidenti dhe gjykatësit më shumë se deputetet, duhen kërkuar dhe standarde. Nuk kompleksohem çfarë thotë keneta. Ajo e sheh SPAK dhe GJKKO si armë për të luftuar PS. SPAK dhe GJKKO siç janë shpresë duhen bërë dhe krenari kombëtare. S’duhet të ketë hije metodash të Sigurimit të Shtetit dhe hije të metodave të Kremlinit. E them në kuptimin e metodave, jo se ka inflitrim. Vetëm kështu do shkohet atje ku duhet. Kështu ndërtohet ura e ndërveprimit dhe ndarja e pushteteve. Boll është hyrë në kufijte e pushtetit ekzekutiv. Mjaft janë terrorizuar punonjësit e administratës. Duhet luftuar korrupsioni. Njerëzit nuk janë kavje, çdokush meriton të respektohet deri në fund. Vetëm PS e garanton këtë. Ne jemi të vërtetë dhe drejtpërdrejt prej 5 vitesh si kemi shtrnguar dhëmbët, tami duam profesionalizëm dhe integritet të çdo procesi. Do ketë dhe dëgjesa tjera për këdo që dëshiron të dëgjohet përveç atyre në hetim.”, tha Rama.
Kryeministri tha se ata janë një pushte i pavarur, por edhe pushteti ekzekutiv është i pavarur dhe boll është hyrë në kufijtë e pushtetit ekzekutiv, boll janë traumatizuar punonjësit e administratës, me thirrje, me ftesa, me presione, e me paraburgime, boll.
“Dhe, duhet menduar për ti dhënë shërbim konsulence të rëndësishme ndërkombëtare, për të gjitha aspektet e tjera që marrin përsipër t’i analizojnë dhe nuk kanë kapacitet t’i analizojnë. Jo pabarazia në tendera, jo ku di unë çfarë dhe pastaj përfundojnë te thesi i shpërdorimit të detyrës. Njerëzit nuk janë domate, nuk janë kavie, meriton të respektohet deri në fund. Kjo është PS dhe nëse ka një forcë që mendon deri në fund për respektin ndaj njeriut, është PS.
Të tjerëve u uroj sukses në zhytjen thellë e më thellë në kënetë, me 11 maj, për forcimin e SPAK e drejtësisë, qytetarët do të dinë çfarë të vendosin. Edhe ata gjyqtarë që mendojnë se janë populli, që në fakt janë ligji, do të shikojnë edhe popullin, se çfarë mendimi ka për këtë forcë politike dhe betejat tona.
Ne jemi të vërtetë dhe të drejtpërdrejtë, siç kemi qenë 5 vjet që kemi shtrënguar dhëmbët dhe nuk kemi folur, se kemi dashur pavarësinë. Tani që pavarësia është e s’provuarm e testuar, tani ne duam profesionalizëm, integritet demokratik të çdo procesi dhe këto dëgjesa do të vazhdojnë për këdo që ka dëshirë të shprehet, përsa kohë nuk është nën hetim dhe i akuzuar. Ne jemi partia e të gjithëve. Është fondamentale që më 11 maj të gjithë atyre që janë mbledhur kundër nesh, t’u bëjmë prezantimin fundor me noc rrokun” tha Rama.
Kryeministri Edi Rama tha se ka informuar ministrin e Drejtësisë për intimidimin që i është bërë një nëne me dy fëmijë. “I thuhet o do pranosh këtë, ose do ta hash më keq sesa ata të cilët duhet ti zhysësh brenda”, tha Rama.
Rama theksoi se kur një prokuror apo gjykatës e ka rrogën më të lartë sesa presidenti apo deputetit, duhet të ketë disa standarde.
”Nuk mund ta pranojmë ne që SPAK është një redaksi lajmesh me një grup gazetarësh që tundin dosjet përpara se vetë ata që janë brenda të marrin lajmin që janë të akuzuar. Nuk mund ta pranojmë ne që njerëzit merren dhe intimidohet atje si personi në dijeni pa ju dhanë as status vetme e vetëm që të mos marrin avokatin. Se nuk dua të flas, Kam informuar ministrin e Drejtësisë për një intimidim tjetër, të një nene me dy fëmijë, të cilës i kërkohet të bëjë atë që nuk ka bërë. I thuhet o do pranosh këtë, ose do ta hash më keq sesa ata të cilët duhet ti zhysësh brenda. Po kostot financiare të gjithë kësaj, a duhet ti kemi parasysh apo jo? Duhet ti kemi pparasysh se cfarë po paguajnë shqiptarët për këtë përpjekje? Kjo është normale se kur paguan një prokuror dhe një gjykatës më shumë sesa presidenti apo deputetet do ti kërkosh edhe standarde se nuk shkon. a.b
