Nisin me tre shfaqje për fëmijë në qytetin e Patosit takimet e Teatrit Shëtitës”Çajupi” me publikun për vitin 2025. Të mërkurën paradite fëmijët e shkollave dhe kopshteve të Patosit do të kenë mundësi të ndjekin shfaqjen ” Ëndërr apo e vërtetë?” me regji të Dajana Nenaj. Kjo shfaqje ditën e enjte do të udhëtoj në Himarë për të dhënë edhe në qytetin bregdetar me ftesë të kryetarit të bashkisë Z. Vangjel Tavo, tre shfaqje për fëmijët e shkollave dhe kopshteve. Për të vijuar më pas të shtunën dhe të dielën në orën 11 me vogëlushët e qytetit të Vlorës. Publiku Vlonjat do të ketë mundësinë ditën e shtunë dhe të dielë në mbrëmje në orën 19:00 të ndjekë komedinë e suksesshme “Gruaja e burrit tim” me regji të Kiço Londos.
Teatri Shëtitës nis shfaqjet në disa qytete të vendit
