“Ramazani nuk kishte konflikte, punonte në ndërtim”

Ramazan Mataj

Xhaxhai i Ramazan Matajt, 33-vjeçarit të vrarë mëngjesin e së dielës në fshatin Dragoç, ka deklaruar për mediat se nipi dhe familja e tij nuk kanë pasur konflikte me askënd. Naim Mataj, i tronditur nga ngjarja, u shpreh se Ramazani ishte kthyer nga Belgjika para një viti dhe punonte në ndërtim në Mal të Zi.

“Nuk ka pasur asnjë problem, më parë ka jetuar në Belgjikë, tani punonte në Mal të Zi. Kam komunikuar me të në orën 8:30, më pas nuk kam dëgjuar më prej tij. Nuk kemi pasur asnjë konflikt, ka punuar në ndërtim në Ulqin. Këtu njerëzit dëgjuan krismat… Policia nuk na lejoi të shikonim kufomën,” tha ai, duke shtuar se Ramazani ishte rritur mes kushteve të vështira ekonomike, por më pas kishte ndërtuar një jetë të ndershme.

Dushimet e grupit hetimor janë se kemi të bëjmë me të paktën 2 qitës, por nuk përjashtohet as mundësia e autorëve të tjerë, që mund t’i kenë ndihmuar në largimin nga vendi i ngjarjes. Në zonë nuk ka kamera sigurie për të parë nga janë larguar dhe pritet të kontrollohen kamera në distancë, por mbetet e vështirë për policinë për të rënë në gjurmët e tyre.

Ramazan Mataj u gjet i pajetë brenda automjetit të tij, i qëlluar me breshëri kallashnikovi. a.b

/DRONI.al/