Në foto babai i viktimës
33-vjeçari Ramazan Mataj, u gjet i pajetë brenda makinës së tij nga banorët e zonës në Dragoç të Shkodrës.
Në deklaratën e tij të parë për policinë, babai i viktimës, Fatmir Mataj, tha se nuk ka dijeni për ndonjë arsye apo konflikt që mund të ketë çuar në vrasjen e djalit të tij.
“Nuk e di arsyen e vrasjes. Djali im nuk ka pasur asnjë problem me persona të tjerë dhe asnjë konflikt. Ne nuk jemi në dijeni të asnjë konflikti. Djali im është rritur pa bukë dhe me shumë vështirësi. Nuk ka qenë aspak person problematik,” u shpreh ai, duke kërkuar drejtësi dhe zbardhjen e plotë të ngjarjes.
Fatmir Mataj tregoi gjithashtu se kishte folur për herë të fundit me djalin rreth orës 22:00 të mbrëmjes së kaluar dhe nuk kishte vënë re asnjë shqetësim në zërin e tij. “Jemi të tronditur dhe kërkojmë të zbardhet ngjarja,” shtoi ai.
Policia ka nisur hetimet për zbardhjen e rrethanave të ngjarjes, ndërsa pista kryesore mbetet ajo e një konflikti ende të panjohur. a.b
