Vendi i ngjarjes
Dy persona humbën jetën këtë muzh nga goditja me makinë ndërsa ecnin në trotuar. Ngjarja e rëndë ndodhi në Mjedë, bashkia e Vaut të Dejës.
Viktimat janë Ndue Prenga dhe Ndrekë Prenga, xhaxha dhe nip. Ndërsa drejtuesi i automjetit është Glindis Bujari, i cili është transportuar në spital në gjendje të rëndë shëndetësore.
“Rreth orës 17:00, në fshatin Mjedë, shtetasi G.B, duke drejtuar automjetin tip “Mercedes Benz”, ka humbur kontrollin mbi drejtimin e automjetit dhe për pasojë automjeti ka dalur nga rruga, duke ka përplasur dy këmbësorët, shtetasin N. P., 63 vjeç, i cili si pasojë e përplasjes ka humbur jetën në vendngjarje dhe shtetasin N. P., 43 vjeç., i cili ka humbur jetën gjatë transportimit për në Spital.
Nga përplasja është dëmtuar dhe drejtuesi i automjetit, shtetasi G. B., i cili ndodhet në Spital, për ndihmë mjeksore, i shoqëruar nga efektivë të Policisë, pasi pas marrjes së ndihmës mjeksore do shoqërohet në Komisariat për veprime të mëtejshme”, njoftoi policia e Shkodrës.
Grupi hetimor po punon për sqarimin e plotë të rrethanave dhe shkakut të aksidentit. a.b
